2022 წლის 01 დეკემბერს, საქართველოს თავდაცვის სამინისტროსა და საქართველოს განათლებისა და მეცნიერების სამინისტროს ერთობლივი პროექტის „ჩვენი ჯარი“ ფარგლებში, სსიპ ქალაქ თბილისის N211 საჯარო სკოლაში VIII-XII კლასის მოსწავლეებთან გაიმართა შეხვედრა .
პროექტი ითვალისწინებს მოზარდებსა და ახალგაზრდებში საქართველოს თავდაცვის ძალების მიმართ ცნობიერების ამაღლებას, ჯარის პოპულარიზაციას, პატრიოტული სულისკვეთების გაღრმავებას, სამხედრო-სამოქალაქო ურთიერთობის ხელშეწყობას.
„ჩვენი ჯარის“ ფარგლებში ჯარისკაცებმა მოსწავლეებს სალექციო ფორმატში, პრეზენტაციების სახით გააცნეს თავდაცვის ძალების ისტორია, ამოცანა, თავდაცვის ძალებში მოხვედრისა და სამხედრო განათლების მიღების შესაძლებლობები, თავდაცვის სფეროში მიმდინარე რეფორმები, ნატო-საქართველოს ურთიერთობები და საერთაშორისო მისიებში, საერთაშორისო სწავლებებში საქართველოს მონაწილეობის შესახებ ინფორმაცია. მოსწავლეებმა საქართველოს ეროვნული გმირების გმირობის ისტორია უშუალოდ ჯარისკაცებისგან მოიმინეს.
მოსწავლეებმა მათთვის საინტერესო კითხვებზე მიიღეს პასუხები.
No comments:
Post a Comment