,,დედამიწის დღე''

 USAID-ის სამოქალაქო განათლების პროგრამის ფარგლებში სსიპ ქალაქ თბილისის #211 საჯარო სკოლის მოსწავლეთა თვითმმართველობამ და სამოქალაქო განათლების კლუბის "თაობა მომავლისათვის" წევრებმა დაგეგმეს დედამიწის დღისადმი მიძღვნილი კვირეული და განახორციელეს აქტივობები. კვირეულის ფარგლებში მოსწავლეებმა უყურეს ფილმს "ადამიანი რომელიც ხეებს რგავდა", გამართეს დისკუსია, მოახდინეს პრობლემის იდენტიფიცირება და ისაუბრეს მათი გადაჭრის გზებზე. ცნობიერების ამაღლების მიზნით დაამზადეს პოსტერები, საინფორმაციო ბუკლეტები და გაავრცელეს თემში. პრაქტიკული მოქმედებების საფუძველზე საზოგადოების ეკოლოგიური კულტურის განვითარების მიზნით სკოლის ტერიტორიაზე განათავსეს გარემოს დაცვის შესაბამისი მოწოდებები, იზრუნეს სკოლის ეზოსა და სპორტული მოედნის დასუფთავებაზე, სკოლის შიდა სივრცეში არსებული ქოთნის ყვავილების მორწყვაზე. დედამიწის დღისადმი მიძღვნილი კვირეულის დასკვნითი აქტივობები მოსწავლეთა მოტივაციის ამაღლების მიზნით განხორციელდა სპორტულ მოედანზე. მე-6 კლასის მოსწავლეებმა შეასრულეს მხატვრული ტანვარჯიშის ილეთები, სპორტის პედაგოგის ქალბატონ მაკა გუმაშვილის მხარდაჭერით მე-9 მე-10 კლასის მოსწავლეებმა შეასრულეს რამდენიმე სახალისო სპორტული აქტივობა, შემდეგ გუნდები ერთმანეთს შეეჯიბრნენ სხვადასხვა ტიპის გონივრულ აქტივობებში. პროექტის განმავლობაში დიდი იყო მშობელთა ჩართულობა და აქტიურობა, მათ შექმნეს პლაკატი თემაზე: "დედამიწა ჩვენი სახლია". მშობლებისაგან დაკომპლექტებული იყო ჟიური , რომელთაც შესაბამისი ქულებით შეაფასეს თითოეული აქტივობა. საბოლოო ჯამში გამარჯვებულ და მონაწილე გუნდები მშობლებმა დააჯილდოეს სიგელებით. უღრმესი მადლობა მოსწავლეებს მონაწილეობისათვის, ხოლო მშობლებს აქტიური ჩართულობისთვის. პედაგოგები- მაკა გუმაშვილი , მარინე ლიპარტელიანი, ნანი ქოროღლიშვილი

+58

All reactions  sავტორი- ლიზი ჭუმბურიძე

Share:

განაგრძე კითხვა

ადამიანის უფლებები

 2023 წლის აპრილში სსიპ ქალაქ თბილისის N211 საჯარო სკოლაში მე-8 კლასში განხორციელდა პროექტი ადამიანის უფლებებზეა.პროექტის სახელწოდებაა ,, იმ სოციალური წესრიგის უფლება, სადაც აღიარებულია ადამიანის უფლებები. პროექტის ფარგლებში განხორციელდა შემდეგი აქტივობები: 1.ცნებასთან დაკავშირებული ინფორმაციის მოძიება და დამუშავება. 2.გონებრივი იერიში. 3. ბლიც- ინტერვიუ.4. გამოკითხვა.5.შედეგების გაზიარება. პროექტის ფარგლებში მოსწავლეებმა გააცნობიერეს რომ ადამიანის უფლებები არის თანდაყოლილი უფლებები ყველა ადამიანური არსებისათვის, განურჩევლად რასისა, სქესისა, ეროვნებისა, ეთნიკურობისა, ენისა, რელიგიისა ან სხვა ნებისმიერი სტატუსისა. მადლობა მე-8 კლასის მოსწავლეებს და პედაგოგს მარინე ბასილაშვილს.

+41

ავტორი- ლიზი ჭუმბურიძე

Share:

განაგრძე კითხვა

სუფთა გარემო

 2023 წლის  12.04.  მე-2 კლასში განხორციელდა მინი პროექტი  ,,სუფთა გარემო’’ პედაგოგები :მარიამ ქვრივიშვილი,ლია გორგასლიძე. საქართველო ისევე როგორც, მსოფლიოს არაერთი ქვეყანა მეტად მწვავედ დგას იმ პრობლემის წინაშე, როგორიცაა ჰაერის და გარემოს საყოფაცხოვრებო ნივთებით დანაგვიანება, დაბინძურება. დღეს, ყველა შეგნებულ ადამიანს გააზრებული აქვს ის, რომ სუფთა გარემო, ჩვენი და ჩვენი შთამომავლობის ჯანსაღი მომავალია. მოსწავლეებმა გაიღრმავეს ცოდნა აღნიშნულ თემასთან დაკავშირებით. შეძლეს ინფორმაციის მოძიება და დახარისხება , საკუთარი აზრის არგუმენტირება და სხვისი აზრის პატივისცემა.განხორციელდა ყველა აქტივობა,რაც იყო დაგეგმილი.მოსწავლეები ხალისიანად თანამშრომლობდნენ ერთმანეთთან.მოეწყო „ექსკურსია გარემოში“, დისკუსია, ფოტოების გადაღება, გარემოს დასუფთავება, პრეზენტაცია. აგრეთვე, თემასთან დაკავშირებული ნაწარმოებების მოსმენა და სიმღერების შესრულება.

+29

All reactio

Share:

განაგრძე კითხვა

მავნე ჩვევები

 USAID-ის სამოქალაქო განათლების პროგრამის ფარგლებში , ჯანმრთელობის საერთაშორისო დღისადმი მიძღვნილი კვირეულის ფარგლებში, სსიპ ქალაქ თბილისის N 211 საჯარო სკოლის მოსწავლეთა თვითმმართველობისა და სამოქალაქო განათლების კლუბის „ თაობა მომავლისათვის“, წარმომადგენლების მიერ დაიგეგმა და განხორციელდა აქტივობები:

მოსწავლეები შეხვდნენ სკოლის ექთანს, ქალბატონ ნანა ბუცხრიკიძეს, რომელიც ბავშვებს ესაუბრა ჯანსაღი ცხოვრების წესზე, მავნე ჩვევებზე, როგორიცაა - ალკოჰოლი, თამბაქო, ნარკოტიკი, ასევე ადრეულ ქორწინებაზე, აზარტულ თამაშებზე. მოსწავლეების მხრიდან დაისვა მეტად საინტერესო და დამაფიქრებელი შეკითხვები.

მე-8-9-10 კლასების მოსწავლეებს შორის, სპორტის პედაგოგმა, ქალბატონმა მაკა გუმაშვილმა, მოაწყო შეჯიბრი ფრენბურთში.

წარმოდგენილ იქნა პრეზენტაციები მავნე ჩვევებთან დაკავშირებით,

მოსწავლეებმა დაამზადეს საინფორმაციო ბუკლეტები , რომელიც ცოდნის გაზიარების მიზნით დაურიგდა დაწყებითი საფეხურის მოსწავლეებს.

სამოქალაქო განათლების პედაგოგმა-მარინე ლიპარტელიანმა, მე-7 კლასში, ჩაატარა ღია გაკვეთილი ჯანსაღი ცხოვრების წესზე, რომელსაც ესწრებოდნენ ხარისხის განვითარებისა და პროფესიული მხარდაჭერის ჯგუფის წევრები.

კვირეულის ფარგლებში ბავშვებთან ერთად მონაწილეობდნენ მშობლებიც. მშობელმა, ავთანდილ ბეჟიაშვილმა, რომელიც არის საგანგებო სიტუაციების კოორდინაციისა და გადაუდებელი დახმარების ცენტრის ექიმი, მოსწავლეებს ესაუბრა ჯანმრთელობისათვის მეტად საზიანო და მავნე ჩვევებზე, რატომ არ შეიძლება ადრეულ ასაკში ქორწინება, როგორ აისახება აზარტული თამაშები მოზარდის ფსიქიკაზე ,რა უკუჩვენებები აქვს თამბაქოსა და ელექტრონულ სიგარეტს და ა. შ

მშობლებთან შეხვედრა მეტად საინტერესოდ წარიმართა. მოსწავლეებმა გამოთქვეს სურვილი, რომ ასეთი შეხვედრები ხშირად გაიმართოს, სადაც ისაუბრებენ ტაბუდადებულ თემებზე, რათა მოსწავლეებმა მიიღონ სწორი და ჯანსაღი ინფორმაცია.

+42

ავტორი-ლიზი ჭუმბურიძე

Share:

განაგრძე კითხვა